趙勁皓與太太盧頌之（DaDa）昨日帶兩歲半囡囡趙安嵐（踢踢）到科學園出席親子聖誕活動，DaDa爆料指囡囡似足父母超級多說話，而且在學校很受男同學歡迎，她說：「但係𠵱家識怕醜，同埋開始識分男仔、女仔，記性又好好。有男仔送心心燈畀佢，佢成日講嗰啲都係男仔名，隔籬班都識佢，我都覺得好奇怪。」
自認是緊張爸爸的趙勁皓，不會緊張囡囡學業，反而擔心拍拖問題，會一直陪在囡囡身邊。他又透露原本有人邀請到新加坡拍電影，但因為要離港兩個月而推辭：「因為囡囡3歲前我都仲可以幫佢沖涼，𠵱家盡量日日同佢沖，過咗3歲佢有男女嗰個意識就唔係咁好，如果要離開香港太耐嗰啲工作，我唔想。」
李思欣奶奶恨抱孫
同場的范振鋒與太太李思欣表示原本想到外地過聖誕，但為了工作，只好改到澳門玩，但農曆新年不敢離港，范振鋒說：「因為我媽咪比較傳統，佢鍾意一家人一齊過。試過結婚頭兩、三年，新年去咗旅行，返嚟就好多說話聽。」問到奶奶有否催生育下一代？李思欣坦言：「奶奶曾經話如果生女孫就好，但係又唔催嘅，我隨時都OK。」不過她覺得老公未OK：「等覺得勁想要先啦。」
採訪、攝影：盧妹