馬雲公開講，一日之內連接五個電話，朋友問佢借錢，云云。邊五個？估吓先。
林兆波都算朋友，左手㩒實右手，擺明極度手緊，着草肯定冇得慳。以林兄身份，逃到天涯海角才能避開甴總的追捕，雖然叻唔過轉數快的馬老闆，波兄還是求救：我唔想去首都食餃子！
民×聯養起大批落選的兄弟，打算叫他們趁無警時份，打劫金鋪幫補吓。但金鋪只係一百萬上落，唔夠洗腳，所以主席急call馬老師，借住先。
何滾妖自毀山墳得個桔，馬都冇得跑，欠落有PK721照住的元朗白衫那條尾數，已經利疊利到火星人才還得到。問世間，唔問馬雲借，唔通問米咩。
邱局長唔識分藍黃，打畀紅到發紫的馬雲，是正確決定。不過馬雲喂了柒聲，罵一句黐×線，收線。
無面可露的689打通電話，馬雲一直跟他講雞腸，在腸與腸中間終於搵到機會開口借。最衰都係懸紅N個百萬，福建汕頭乜春社團篤完灰狂追佢尾數。如果唔畀，淋紅油等佢日日做聖誕老人咁話。戥佢陰功lol。