港產片經典，《衝鋒隊怒火街頭》，劉青雲警察爆粗罵上司「你老母冚家X」，正直的陳小春……我指戲中性格……為了「包庇」劉青雲，如此演繹：「本人覺得你老母係出自關心同問候嘅助語詞，至於冚家鏟係客觀咁形容破碎家庭，一啲都唔覺得侮辱上司，關Sir可能身世相近所以有啲敏感，Sir。」
戲中被罵的上司氣得暴跳如雷，戲外看熱鬧的觀眾笑到掌聲如雷，因為我們都只當是一場戲食花生。我們那時沒有想過，這些戲中「夾粗」的解釋，有一天，會成為包庇警察傷害市民的武器。
2019年，香港警察的警民關係科譚汝禧，接受香港電台鏗鏘集訪問時，這樣解釋警員罵市民「曱甴」﹕「無需過分解讀『曱甴』兩字，調返轉頭，曱甴從正面去睇係咪好有生命力呢？」
真的很想回敬陳小春那句「你老母冚家X」，正面啲，只是出自關心同問候的助語詞﹗
現實不是拍戲，警員可以不尊重自己不尊重自己的制服，但不能要求所有人和他一樣低水準，你叫被你罵過的市民如何能欣然接受原來警察讚自己有生命力呢？
咁叫「黑警死全家」，正面啲，其實係話你哋家庭關係好，生死與共，福禍同當。「警嫂玩3P」，也只是讚美阿嫂熱情好客，交遊廣闊。「黑社會」的指控，更加是讚美警察「有義氣」。
「好仔唔當差，當差正仆X」，其實是讚美警察夠親民貼地，仆在街上還不夠貼地嗎？
我們真的要淪落至此，玩這種小學雞口水戰遊戲嗎？法律上的誹謗罪，是否都可以取消了？因為所有被告都會說「正面啲，唔好過份演繹啦」。
差佬連口出惡言都可以用「正面啲」的理由打甩控罪，叫人如何相信監警會能替市民主持公道呢？正廢柴﹗
唔好過分演繹，所謂廢柴，其實是生火的木材，即是犧牲自己燃燒別人照亮大眾的最高稱讚！滿意了嗎？