【故作開明】
【本報訊】特首林鄭月娥拒絕成立獨立調查委員會調查反送中事件，只肯成立沒有傳召權及調查權的「檢討委員會」敷衍公眾。曾力撐政府將送中條例「直上大會」的立法會前主席曾鈺成接受有線新聞訪問時稱，政府必須成立獨立調查委員會，查清7.21、8.31及新屋嶺等具爭議事件，並重提「劃線」特赦建議，認為可「赦輕不赦重」。立法會議員朱凱廸批評曾鈺成扮作開明，斥其建議只是想搞分化。
記者：姚國雄
逾半年反修例衝突，警方至今已拘捕超過6,000人，曾鈺成在訪問中指出，在法律程序完成後，特首有權特赦，建議「赦輕不赦重」：「你牽涉到暴力傷人，譬如放火，唔赦得……同樣仲要劃個日子，今日之前，輕嘅（罪行），我全部赦晒，但今日之後，無論點，一樣照拉照告，冇得赦」，他自言有向政府提出此建議，「我得到嘅回應係政府正考慮所有有關法律問題」。
曾又認為獨立調查委員會不能以檢討委員會取代，他指：「如果有呢個檢討委員會，佢都唔會去查7.21，亦都唔會搞清楚8.31係乜嘢，我唔覺得你今日成立獨立調查委員會，真係會對止暴制亂有好大幫助，而係你要呀！你要搞清楚個事實真相。」
朱凱廸斥搞分化
上月警方包圍理大時，曾鈺成高調進入校園調停，他透露事前有警隊高層勸他不要入去：「因為班友認得你，如果佢哋捉咗你做人質，我冇得選擇，一定要派飛虎隊攻入去，未必救到你，到時一定有傷亡，到時我（曾）就做咗罪人。」他指前往理大途中，支援示威者的人對他沒惡意，最終他進入理大帶了76人離開。
曾鈺成其實在送中條例一役中，態度極為強硬。他在今年5月、當政府意圖將《逃犯條例》修訂直上大會審議時，表示支持態度，和應政府的橫蠻手法，認為唯一打破僵局方法是直接將被視為惡法的「送中條例」，提上立會大會審議，令立會法案委員會不能再審議惡法。
曾力阻惡法直上大會的議會陣線朱凱廸指出，曾鈺成經常想將自己扮作淺藍、建制派開明分子：「呢種人（曾鈺成）扮晒自己有特別渠道直上天庭，能夠影響北京嘅判斷，其實只係想確立自己係淺藍嘅代表。佢提出赦輕不赦重，都只係達到分化嘅效果。」
朱凱廸指現時問題重點並非討論被捕人士的罪行屬嚴重或輕微，而是整個政治問題：「我哋要嘅係政治解決，撤銷所有人嘅控罪。」