樂壇新人施匡翹從17歲開始食素，昨日她到新城電台參與飲食節目講解未吃素前是無肉不歡。年紀輕茹素者較少，她透露最初吃素時家人極力反對：「覺得會冇營養，但咁多年又見我咁大嚿就冇再出聲。」她自爆中學時期超級大食，變成肥妹。暫時單身的施匡翹，表示平安夜她會和家人吃飯度過：「冇計啦，冇拖拍好慘，聖誕節個個都好浪漫，一個人好悶，惟有睇到人哋啲相畀個like啦。」