周日英超戰熱刺主場0:2輸畀車路士，比賽中鬧出種族歧視風波，其中車仔嘅魯迪格仲向場邊做出馬騮手勢指自己被侮辱，英警方就話已介入調查。
BBC報道，英警方拉咗六個球迷，其中一個車迷就涉種族歧視熱刺南韓球星孫興民被捕，但冇個關魯迪格嗰單事。熱刺家陣搵咗唇語專家研究條片，仲聯絡車仔想拎更多球員資訊，保證會詳盡調查；車路士就話知有車迷涉及種族歧視，如係季票持有人就會禁佢入場咁話。另外，熱刺領隊摩連奴就證實，球會已為領紅嘅孫興民上訴，其實場波仲有花邊嘢，英國《太陽報》發現，有個南韓球迷目睹熱刺輸波後，完場嗰陣竟然除咗本身着住嘅孫興民熱刺7號波衫，搞笑係原來入面唔係底衫，係車仔嘅林柏特8號波衫，真係識玩。