2019 即將結業，有辣有唔辣，女皇我做咗快70年，伯爺婆乜乜七七都見過，自從1932年，Royal Christmas Message英皇聖誕文告，在英皇佐治五世從BBC推出，年年習慣，大家又鍾意，聖誕午餐準備妥當，一家圍枱聽我正襟危坐從容不迫以捨我其誰的正宗女皇英語，跟大家閒話家常……講起家常，今年文告無奈都要加上Bumpy字眼；還好只是Bumpy，坐飛機遇上不穩定氣流，正常情況有驚無險，始終都會平穩過渡嘅，大吉利是！
2019 回顧……
PM Boris Johnson你哋選㗎，日後唔好埋怨呀！Boris仔冇乜特別唔好，事實近年都冇乜邊個PM特別出色，條友仔生壞相，好似唔似，似對岸嗰個美國癲佬，唉！
都係我自己個親生仔大鑊啲，仲係我自細至錫嘅Andy、至衰佢Randy ，真係好學唔學做足Randy Andy，好搞唔搞搞未夠秤𡃁妹，以為事過境遷，點知俾人圖文並茂攞出嚟玩個夠本，一陣間皇家屋企聖誕大餐，你千祈唔好蒲頭，見一鑊打一鑊！
都係威廉乖，娶個孫新抱更乖，連生三個，又精靈又夠白，起碼目前為止預見未來近百年英國君皇仲係100%正統全白Anglo Saxon。哈里娶個二分一黑嘅三線艷星、仲係離過婚冇緊要，始終係細佬，皇家要求阿哥威廉包辦，頂晒啦。就算梅瑾幫我哋溫莎家族生嘅曾孫都OK㗎，四分一非洲血統，好彩黑色唔明顯，個樣仲生得幾盞鬼靚仔。
至於前養仔香港？
都唔少人問我點睇……97回歸，點會開心？日不落帝國名存實亡好耐啦，香港雖然細，論過去殖民地，仍然掛緊Union Jack米字旗嘅時候；亞洲四小龍之首，做乜嘢叻乜嘢，英國經濟困難嘅時候，香港風光旖旎在一旁助陣得回唔少面子㗎。點知戴卓爾個衰婆計錯數，以為放棄香港，中國回報嘅好處多到數唔晒；我都提過咪輕舉妄動，共產黨、你識條毛咩？
過去六個月，日日都吼實香港嘅一舉一動，見班後生仔舉起英國旗遊行示威，真係多謝佢哋乃念生娘恩典不比養娘大；回歸廿二年後，米字旗海仍然喺前殖民地飄揚，真係好感動㗎！