周潤發昨日下午以黑衫、黑褲、黑超及黑口罩打扮現身養和醫院，探望因老人病入院接受檢查的媽媽。發哥見傳媒即耍手表示不拍照及訪問，他身上還穿上行山用的飲水背心，相信是剛行完山即來探母親，在大堂等候時，見發哥有與一同排隊等𨋢的人禮貌交談。
約一小時後，發哥胞姊周聰玲也到醫院，她透露正忙於在粉嶺舉行攝影展，所以只能隔日來：「睇媽媽個情況好咗，有日佢問我有冇鉸剪，佢被條繩綁住，想剪開偷走，見佢精神番，上個禮拜就唔得，因為轉天氣令氣管唔得，啲痰塞住，又要吸氧氣，呢幾日精神好好多。」問到發哥有否到其攝影展參觀？周聰玲說：「佢好低調，戴住漁夫帽遮樣，嚟都唔會話我聽。」
採訪：張明
攝影：陳慧安