林兆波公然「唔拍」，向勇武前線salute？
政治嘅嘢，市民識條鐵。順蕂摸瓜睇吓，已經不止一次爆料的路透社，又再爆料明益林奠，幫她洗脫送中污名，將條數入晒中紀委。中紀委？邊位？路透社冇劇透。
在2019年行到收尾的日子，外國傳媒拔刀相助，禮賓府男主角波兄，忽然變抗爭手足的偶像，事情的詭異程度，要搵靈媒問米才可理順。最配合的解讀，是波兄高調宣示，我老婆雖然係大佬，但兄弟爬山，在林家的確存在。做細佬嘅佢，幫老婆洗刷歷史罪人污名，危站在劊子手張曉明身邊，滿臉戰慄地緊按右手的畫面，深入民心，等同向外告白，我老婆賣身畀香港，身不由己，我只好頂硬上，不尋常的緊握狀態就是向國際發出SOS。Free HK， Free埋我可憐嘅妹仔老婆唔該。
甴總唔係盲嘅，波兄有冇搵過星火？買咗華盛頓單程機票未？睇清楚目的地啊，隨時由美國首都手動變成中國首都！