不少藝人獲認同會選擇停下來享受成果，但亦有人尋求突破，將累積得來的經驗在不同領域上發揮，令自己昇華之餘也能令行業帶來新鮮感。張可頤不甘只當一位獲得賞識的演員，今年初她跟富婆Laura合作開製作公司，以CEO身份於娛樂圈大展拳腳，捧新人之餘更計劃開拍劇集及網上電影，挑戰自我。
張可頤（Maggie）日前與公司旗下新人陳涵林（Karen）於尖沙嘴接受《蘋果》專訪，成為公司CEO的Maggie透露公司日後會製作電視劇及網上電影，亦會栽培新人。擔任這項新挑戰，Maggie覺得在各方面都需要學習，因為好多事情未試過親力親為去做：「邊學邊做，人都係活到老學到老。」
最近試填詞
至於未來影視製作，Maggie更會全方位參與，可會執筆寫劇本或參與演出？Maggie表示：「都會，過去我都有試過寫啲嘢，最近試過填詞。」是否已有劇本藍圖？Maggie指電影和網劇都已有，更透露是跨地域，不只局限內地或香港，構思是包含台灣、星馬等地，只要有潛質的地方，都有機會在將來出現於她的製作中。
公司簽了新人Karen，Maggie覺得現時新人比自己當年幸福得多，她謂：「佢哋接收資訊、睇到嘅嘢、學到嘅，都比以往快同多，唔同年代都有好多唔同事物要學習，其實我都需要與時並進去一同學習，互相影響。」
拼出新方向
在過往多年的演出經驗，Maggie希望可以在往後製作路途上表現出來：「我咁多年吸收嘅嘢未必用得到出嚟，可能用嚟用去都係幕前藝人演員，所以做嚟做去都係好局限嘅角色，咁多年喺度浸淫同吸收嘅嘢，喺一個咁開放嘅網絡世界裏面，你點可以用番出嚟，呢個係講機遇，可能好多人都咁諗，但冇呢個機遇，但我咁啱2018年尾，2019年頭，就決定同Laura合作成立製作公司，差唔多到年尾，Karen亦都成熟，佢嘅學業又平衡到，係時候推出新歌。」Maggie希望眾多計劃能夠慢慢好似拼圖一塊一塊拼湊一起，讓她的構思逐一呈現在觀眾眼前。
撰文：馬建華
攝影：陳俊強
場地提供：富豪九龍酒店
化妝：Gary Chung
髮型：Torry and May Lin
