【仇恨言論】
【本報訊】警隊濫暴連月來受全城譴責，港台昨晚播放時事節目《鏗鏘集》以「警民相惡」為題，請來警員及其家屬現身說法，探討反送中運動以來警民關係惡化。節目中，警民關係主任譚汝禧為警察經常以「曱甴」稱呼示威者甚至平民辯護，認為公眾可以正面理解為有生命力。
記者：陳詠恩
譚汝禧認為警隊態度專業，沒有憎恨示威者，對於多次有警員以「曱甴」非人化地稱呼示威者，他解釋：「大家有時對一啲稱呼唔需要過份演繹，『曱甴』你哋可能諗係一啲好差嘅比喻，調返轉頭去睇，曱甴正面去睇係咪好有生命力呢？」他又指，警員被稱為「狗」，「狗會唔會係話我哋好忠誠、好服從呢？」譚辯稱現時投訴警察機制有效，即使警員蒙面、不出示委任證或行動呼號卡，投訴警察科仍能有足夠證據調查，並試圖以七警案為例，證明機制有效，即場被記者指出當年七警並無蒙面。
《鏗鏘集》訪問一名警員阿欣（化名），他指警民關係破裂的轉捩點是7.21元朗恐襲，出現無警時分，不止市民對警方失去信任，警隊內部也有微言，希望調查事件，還警員公道。阿欣說：「7.21後，你見到公眾或者示威者對我哋嘅態度轉變咗，開始以攻擊為主，示威者轉變之餘，警方態度亦強硬咗，咁就變咗衝突越來越大。」
警嫂：7.21後已冇尊嚴
阿欣無法理解8月11日防暴警在太古港鐵站內，近距離向示威者開胡椒球槍，「似係情緒發洩多過執法」。他指警員行為失控，同袍亦需負上責任，「佢身邊嘅同事盡到責任去拉住佢？佢嘅上級有冇盡到監管嘅責任？」
警方記者會被指是「警謊記者會」，阿欣也看不過眼，「你會見到好多想像唔到嘅解釋，十件事有兩、三件事都係護短，完全為咗逃避責任。久而久之，啲人會唔信任警隊，會仇視警察」。他認為現時整個警隊及制度都出問題，成立獨立調查委員會，才能重建市民信任與警隊信譽。
節目亦訪問了一名前線警員的妻子Sunny，運動開始後，夫妻間經常因為警察身份、政見對立而吵架。雖然丈夫聲稱自己不會毆打示威者，只會按低他們制服拘捕，但認為須斥罵示威者以捍衞警隊尊嚴，Sunny則向丈夫反駁道：「警察嘅尊嚴唔係透過鬧人嚟建立，係由你做咗啲咩嚟建立，自從7月21號警隊做咗嗰件事，令元朗發生咁大件事，你哋嘅尊嚴已經冇晒。」
Sunny形容自己是「內心勇武嘅和理非」，更曾上前線搬鐵馬。記者問她若在抗爭現場遇上丈夫執勤，Sunny稱如果被拘捕，「希望嗰個係我老公，唔係其他人，可能係一種情意結，你明知佢係呢個party陣營，有乜嘢好傷心？你行得出嚟，同佢唔同陣營就預咗有呢日發生」。