AC米蘭星期日喺歇冬前最後一輪意甲,作客慘吞阿特蘭大(綠衫)五蛋。開波僅10分鐘,阿特蘭大前鋒艾真度高美斯喺左路發難,一直殺入禁局勁射破網,幫球隊半場領先1:0。換邊後,阿特蘭大加強攻勢,61分鐘,魯賓高辛斯喺左路半傳半射,再由喺門前嘅柏沙歷射入成2:0。斯洛文尼亞中場伊利錫之後喺63及72分鐘連入2球,阿特蘭大領先至4:0。83分鐘,路爾斯梅利爾更單刀推過米蘭門將基安盧基當拿隆馬射入空門,就咁大勝米蘭5:0。