張兆輝前晚憑電影《催眠．裁決》在澳門國際電影節獲得最佳男配角。張兆輝前日從上海趕到澳門出席頒獎禮，他在台上說：「首先我要多謝我嘅師兄杜琪峯，佢帶咗我入電影圈。我嘅人生一直都唔係風平浪靜，經歷過好多高低，好多謝一直喺我身邊支持我嘅屋企人，我嘅朋友、我嘅兄弟，你哋令我灰色嘅人生加添色彩。」頒獎禮結束後，張兆輝即與好友及投資方慶祝兼做冬，他說：「噚晚已經有好多投資方同我傾啲新合作，希望將來我嘅演藝事業，可以再為大家帶來驚喜，今晚我會再同屋企人慶祝。」
任達華前晚則憑劇集《破冰行動》成為電視最佳男配角獎得主，任達華大講得獎感受：「最重要多謝導演，以及劇中演員吳剛、王勁松，同埋扮我囝囝嘅黃景瑜。」麥兆輝憑電影《廉政風雲 煙幕》獲得最佳導演，他說：「若非同楊老闆（楊受成）相識多年、合作無間，都唔會有《廉政風雲 煙幕》，多年嚟我一直同唔同導演合作，但呢部戲係我一個人做導演，自然別具意義。」