陳敏之的寶貝仔雷子樂在冬至出世，所以花名叫「雷冬至」，前日敏之為囝囝搞3歲生日會，招呼逾百人參加，非常熱鬧。由於囝囝喜歡蜘蛛俠，二十四孝媽咪就為壽星仔以蜘蛛俠主題搞生日會，囝囝更穿上蜘蛛俠造型出現。其間敏之又安排真人扮蜘蛛俠突然出現給兒子驚喜，令囝囝十分興奮。
有子萬事足的敏之，昨日回覆傳媒時表示：「噚日生日會大家都好開心，轉眼第三年幫囝囝搞，小朋友唔同階段會鍾意唔同人物，佢好鍾意紅色嘅嘢，又鍾意Spider-Man，所以今年就搞呢主題，囝囝見到真人扮Spider-Man出現好開心，都受同場小朋友歡迎，佢哋都扮超級英雄嚟參加。」
撰文：唐如