周潤發昨日現身養和醫院，他透露90多歲的發媽因為老人病，所以要進行身體檢查，大約聖誕節後才出院。提到發嫂，發哥說：「佢噚日嚟咗，輪流。」提早跟發媽做冬？他說：「同佢食咗嘢，佢唔出得街。」問到要否戒口？發哥說：「佢唔使㗎喇，乜嘢食物都打爛晒，條喉直入，餵番糊仔咪走，呢啲老人家好精靈，仲想佢點，叻到不得了，仲趕住叫我走。」
談到工作，發哥說：「冇呀，我𠵱家日日鍛煉自己身體，希望迎接新工作。」是否最快明年開工？他笑笑說：「我想轉行做運動員，我諗住考個教練牌做行山教練，平時都會同藝人朋友行山，最新嗰條𡃁係阿鮑（鮑起靜）。呢個演藝界都有啲式微，我自己咋！」說罷他向傳媒說「冬至快樂！」
採訪：黃曉妍
攝影：仇志德
