啱啱21歲嘅基利安麥巴比上星期六梅開二度，幫巴黎聖日耳門（PSG）喺法甲以4:1大勝到訪嘅下游球隊艾米恩斯。上星期五生日嘅麥巴比以一頭銀髮慶祝踏入21歲，而佢對艾米恩斯嘅比賽表現同樣搶鏡，今場開波10分鐘就接應尼馬長傳，長驅直進殺入禁區射成1:0，之後仲喺65分鐘接應迪馬利亞嘅助攻梅開二度，連埋尼馬同莫路伊卡迪嘅入波，幫PSG主場4:1大勝靠史提芬文度沙破蛋嘅艾米恩斯，繼續領先同日主場以3:1輕取尼姆、多踢1場、排第2位嘅馬賽7分。麥巴比喺踢完艾米恩斯場波後，更化身成聖誕老人，幫球會嘅慈善基金為小朋友提早送上聖誕禮物，認真有善心。