鄭浩南（Mark）在尖沙嘴出世，小時候家就住尖沙嘴。曾搬到美孚新邨，在巴富街亦住上好一陣子，父親的貿易公司位於中環當年最高的康樂大廈（今怡和大廈） 。他對香港的情懷入骨入血，自言正宗香港仔，亦可以好大聲跟人說：「我以在港出生為榮！」雖然他在馬來西亞娶妻兼定居多年，但他表示沒有拿當地護照。
撰文︰何永寧
攝影︰林賓尼
鄭浩南近日回港為ViuTV拍攝劇集《地產仔》，飾演一名地產佬。不變的陽光氣息，亦由當年「無腳的雀仔」到如今在馬來西亞落葉歸根。現年55歲的Mark日前在尖沙嘴一間酒店接受訪問，每次返港，他都會選擇這間位於麼地道的酒店︰「我喺後面金馬倫道出世，屋企就喺百樂酒店對面。」如數家珍連電話號碼都記憶無誤，他樂此不疲說︰「每次同仔女返香港，除咗一定要去迪士尼玩之外，我都會同佢哋講『嗱，呢度就係阿爸出世嘅地方，阿爺間公司就喺康樂大廈七樓全層。』」
理解港人遊行
Mark自言2002年在大馬拍戲認識了現任太太Ailyn，之後淡出娛樂圈，在當地落地生根，婚後育有一子一女，大女喜文15歲、兒子理文7歲，遺傳了父親的陽光與外向性格。Mark和太太各有事業，拍戲只是玩票性質。他在不同地方生活過，但最掛念的仍是出生地香港︰「一個唔係自己出世嘅地方經常出入，嗰個感覺係冇親切感。總之你離開一個地方（香港），而呢個地方，你以前最多朋友、你最喜歡嘅、你以前所發生嘅一切都喺呢度開始，呢個地方對你嚟講好重要。但冇辦法，大勢所趨時代改變，有啲事我哋唔能夠改變。」他明言當年離開是一個很難的決定，但就對出生地念念不忘。
做了大馬女婿，Mark指曾有朋友跟他說：「你去馬來西亞咪幾好，可以攞佢哋護照。」Mark卻說︰「我唔會攞大馬護照，就算畀我都唔要。我自己香港有，點解要？我仲有加拿大護照。我話呢個國家唔及我哋出世嘅地方好，呢個國家唔及加拿大護照去其他地方咁方便，我以在港出生為榮！」對於逆權運動香港人上街遊行，他表示理解︰「叫吓口號，大家都有理想、都有希望，或者咁講，有一間餐廳以前可以食煙，𠵱家轉咗手換咗個老闆，新老闆唔畀食煙。如果要食嘅話，對唔住喇，轉過另外一間餐廳。」他指選擇題很簡單，要不留在餐廳放棄食煙，又或者可以揀離開，沒有難堪，各取所需。
兩個子女夠數
Mark當年拍過電影《98古惑仔：龍爭虎鬥》飾演司徒浩南，跟鄭伊健演的陳浩南爭做銅鑼灣揸弗人，他亦是《英雄本色》中Mark哥的原型。吳宇森在1986年由徐克引薦加入新藝城，當時被揶揄為票房毒藥的吳宇森原屬意找鄭浩南擔正他執導的《英雄本色》，更為他度身訂做劇本，角色亦用了其英文名「Mark」，另外兩個主角是羅素及張國榮，但最後Mark被徐克拉去拍攝《刀馬旦》。提起往事，Mark鬥勝心不復當年，只是淡淡一笑︰「都唔覺可惜。」。
隨着子女長大，Mark慶幸他們對香港的感覺不錯，但家還是他們的出生地大馬，他笑說︰「兩個都係outdoor友，要大啲活動空間。佢哋有去返我細路仔生活嘅地方行，最鍾意去迪士尼，返嚟十年去咗三十幾次。香港交通工具除咗纜車，都坐過晒。」太太兩次都是剖腹產子，他都有入產房侍產︰「兩次都有拍片，事後睇返隻手不停震，好多血好驚，仲要剪臍帶，仲更加震。」他笑言因為太驚，所以原本諗住多生幾個，最後亦決定打消念頭。
