【本報訊】11月，理大烽煙炮火交錯時，鎂光燈前經常出現一張憂心忡忡的臉，為校內被困學生向各界求援，他是理大學生校董李傲然。仍是學生的李在上月區選中，於油尖旺大角嘴北選區擊敗民建聯對手當選，27歲的他來年增添新身份。校內校外都是代議士，李明言誓必追究8.31太子站事件及警暴問題：「代議士嘅責任唔係高高在上，係要貼地，與眾人同在。」
「心情……都好複雜。」事隔近一個月，李傲然重提理大事件，仍百般滋味在心頭。這位主修社會科學的四年級生是全校直選的學生校董，因此對同學及學校情況更為上心。他憶述自己原亦被困理大，「出事之前我咁啱肚餓，但又唔想同校內嘅人爭物資，所以出咗去食飯」，怎料甫坐下就收到理大被警員以「沸水戰術」包圍的消息。
校內的人想逃出來，校外的他則屢次想入校園救援，惟被防暴警阻擋，因此善用其校董身份，透過鏡頭代表同學向各界求援，要求警方「停戰」。學生校董任期至2020年4月20日，李指餘下任期會盡力追究理大事件。但來年其身份亦有變化，由一校代表擴闊為油尖旺大角嘴北的區代表。
「每張選票都血淚交織」
區選遇上反送中運動，民主派參選人大勝，而原來李早在前年已打算參選。「嗰陣有個自細相識嘅朋友，問我有無興趣幫手，我哋俗稱叫『填白區』，即係防止某啲選區由保皇黨自動當選」。由於他居於油尖旺，早已選定出戰此區，最終落戶「老區」大角嘴北。
大角嘴北年長選民較多，保守思想較牢固，上屆區選此區由民建聯劉柏祺決戰公民黨王嘉盈，最終建制派得票逾六成半。劉今次爭取連任，最終得票3,028，被3,301票的李傲然以273票擊敗。李坦言當初只有四成勝算，問及有何策略感動年長選民，他笑指非常勤於落區，「知道街坊諗緊乜嘢，以至佢哋會去邊度『落腳』，呢啲全部都要了解」。
李形容當選後至今心情仍「戰戰兢兢」，認為是次選戰結果反映民意走向，但自反送中運動開始後，每張選票都變得血淚交織，「好多人付出代價，犧牲咗好多嘢……至少呢一刻，我知道呢個角色（區議員）要做得好好，如果唔係會有負所有付出過嘅人」。
李亦曾在上月一次「黎明行動」中因得悉有人在理大外圍被捕，希望為被捕者提供協助時疑被警員拖出校園拳打腳踢五分鐘。屢次與警暴正面交鋒，他決定「區佬」的工作不能局限於社區，「議員其實可以做多一步，去保護社區同香港人」，表明在示威運動中促請防暴警克制、嘗試從中調停，將會是其新職能之一，亦會在區議會倡議成立工作小組，要求警方交代8.31太子站和追究警暴問題。
■記者盧珮瑤