自發記士多易手的消息傳揚開去後，熟客近月蜂擁而至，有人選擇相約老闆聚餐，亦有人選擇以製作微縮場景的方式作留念。
從事玩具生意的Eric，一直有製作1:24汽車模型，近月聽到發記士多本月底「收檔」後，立即與朋友商量，結果本月拍板自行製造發記士多微縮場景，近日已完成士多內部模具，水冷櫃，木枱、汽水櫃、鐵閘，揮春以至廣告牌，全部一應俱全，他正逐步塑造士多「核心外圍」場景，包括廚房、茶座卡位及跑車泊滿街的場景，正趕緊完成中，目標在發記最後一天營業前公開展示，「一手一腳搭出嚟，用膠片砌出嚟，就係紀念（發記）最好嘅表達方法。」
「從來唔會趕我哋走」
Eric回想光顧發記士多十多年，最感激朱老闆提供一個地方予車友吹水：「係有唔捨得，香港有個咁的地方，泊到車，食碗餐蛋麵飲奶茶，老闆容許一早有班儍佬滋擾，阻住佢翻枱，又從來唔會趕我哋走，真係好唔話得。」他笑言多年換過不同車款，但人與地卻沒有換過。「大家關係已經昇華到朋友，絕對唔係顧客咁簡單。」