【本報訊】逆權運動持續半年，近月不少新工會成立，擔任工會工作，有機會被秋後算賬。新成立的「醫管局員工陣線」（陣線）籌委張嘉祺直言「相比其他手足俾人打到傷晒，係荔枝角到𠵱家一路都冇得保釋出嚟，坐咗100日，我哋損失嘅都係一份相對安逸嘅工作，我唔叫付出咗好多」。另一籌委羅卓堯相信，「我哋夠人多，夠團結嘅時候，大家去保障大家，佢哋唔敢郁我哋」。工會在政治風暴中成立，除關注政治議題，聲援三罷，另一目標是為員工及病人權益發聲。外國曾有醫護因勞資問題發動工潮，羅卓堯說，在不阻礙緊急服務下，工會日後有需要時或會發起工業行動。
醫管局員工陣線的7名籌委及20多名核心成員，都是透過telegram群組而認識。羅卓堯是東區醫院外科病房護士，張嘉祺是財務部行政助理，兩人分別入職醫管局約三年及約一年半。
羅卓堯指，過去半年和理非舉行無數集會遊行，勇武派也升級，但政府未回應市民訴求，他希望政治立場相近的工會組成聯盟，若再出現如航空界員工被打壓的事件，可聯手抵抗白色恐怖。陣線其中一個目標，是保障同事參與工業行動權利。
轟局方向政權獻媚
陣線另一個目標，是守護醫護專業及病人權益。最近醫管局重申醫院內不宜舉辦集會，又發信指會「嚴肅跟進」被捕員工等，卻沒譴責警方在伊利沙伯醫院外施放催淚彈。羅卓堯表示，醫管局處事雙重標準，「點解醫管局可以容許警方，喺醫院範圍出面放催淚彈? 嚴重危害返工同事同病人，跟住佢（伊院）開個空氣清新機就算數。院方有冇嘗試積極尋求呢啲（催淚彈）成份係咩？我哋覺得佢好雙重標準，好似係向政權獻媚嘅狀態」。
除了或會因應全港三罷而有聲援行動外，羅卓堯表示日後若有其他議題需發聲，陣線或會考慮發動工業行動。面對公營醫療體系爆煲，陣線也關注醫管局內部人手流失問題。「係一個死亡螺旋，中層keep住走，工作環境keep住差，同事keep住冇士氣，其實係一個結構性問題」。
陣線作為全港首個跨職系的醫管局工會，至今已接獲約800名員工申請成為會員，張嘉祺希望有一成即約8,000名醫管局員工成為會員，「𠵱家香港搞工會冇咩保障，團結人係我哋最大保障」。
■記者陳沛冰