才女梁芷珊自反送中運動開始，一直表態支持示威者，卻因此多次被人留言指摘，不過近日她自家製網台節目《可以告人的關係》，前晚卻找來何君堯做嘉賓，被網民狠批似為「何已完」洗白，曾邀梁芷珊做節目的杜汶澤，以短訊回應跟梁芷珊割席：「No comment, unfriend」。梁芷珊其後公開道歉：「我不辯解，非常抱歉，對不起各位。」
梁芷珊近日在YouTube開設自家頻度，前晚節目《可以告人的關係》首播，邀請何君堯做嘉賓，開播前她在fb寫道：「今日的何君堯是藍絲頭號偶像，更在2019 Google Trends（香港）熱搜榜中力壓林鄭月娥長踞榜首。而我決定開channel，在此香港重要時刻，負起時代予我之責任，製作節目、散播訊息，冀在黃色生活圈中扶持同路人。」
被鬧食人血饅頭
惟節目出街後，梁芷珊惹來大量網民留言抨擊，除了質疑為何訪問何君堯外，有人表示她與「何已完」談笑風生態度有問題，在節目開首，梁芷珊說：「我哋做過四年同事，雙雙成為足總董事，成日一齊開會，我哋有段時間冇見，我一直以嚟對你印象，你正常嘅時候其實好正常，哈哈哈。」其後談到逆權運動時，梁芷珊又全程讓何君堯發表「偉論」，似有意為「何已完」洗白，有網民留言：「之前好like你，但你訪問呢個人，好失望」、「𠵱家唔係黃藍嘅問題，係黑白呀，7.21佢做咗乜好清楚啦，點解仲可以同啲咁嘅人談笑風生？」、「哈哈，成個訪問就好似畀人訊息：其實何妖都有另外一面。」、「睇呢集，想幫何妖洗白，為博收視食人血饅頭，對唔對得住7.21被打嘅香港人？」而曾邀請梁芷珊到網台節目《CEO會客室》做嘉賓的杜汶澤，昨日以短訊回覆《蘋果》：「No comment, unfriend」。
內疚傷害同路人
對於節目出街後被網民圍剿，一直撐示威者的梁芷珊昨接受《蘋果》電話訪問，誠懇地向同路人道歉：「做任何事，無論乜原意都好，得到大部份咁反應，話畀你聽一個字，就係錯，我原意想話畀大家知我唔怕藍絲，但達唔到目的，傷害同路人感情，我道歉！」至於被阿澤割席，梁芷珊坦言昨晚深夜收到阿澤私訊：「佢tag咗我，正面鬧我，佢好嬲，打英文，佢只有好嬲嘅時候先會打英文，阿澤話我做咗件非常之錯嘅事情，救唔番！我有答佢，最後佢同我講goodnite，我諗係咪等於第二啲嘢？𠵱家知道佢話unfriend，好可惜！」
梁芷珊坦言也有收到其他好朋友勸誡：「當我諗住做一樣嘢面對藍絲，但大家唔想我咁做，幫唔到件事，我接受，因為我哋係隊友，以後唔做，所以我一個留言都冇刪除，同路人講嘢我唔會刪。呢件事學識咗，做任何嘢無論幫唔幫到件事，如果傷害同路人，就唔可以做。」梁芷珊又在社交網撰文認錯：「我不辯解，簡單兩句：非常抱歉，對不起各位。我若不公開說這句話，我覺得我今天很難如常運作，包括我的心情、信念。」
採訪：皓騫、楊定