陳思銘（Samuel）被喻為「教育界王力宏」，有傳32歲的他白手興家坐擁近億身家；最近又傳與視后唐詩詠拍拖，有指他在北角購入2千萬元豪宅準備同居；更有傳網上作家葉朗程是他本人。Samuel不但否認拍拖，與唐詩詠劃清界線，更坦言自己擇偶眼角高，又指葉朗程另有其人，自嘲男神與女神的故事，自己不應存在。
撰文：嵐山
攝影：陳俊強
陳思銘日前在銅鑼灣佔地4千呎的升學中心接受訪問，適逢當日是周日，他拍完香港開電視節目《男士堂》再趕來。提到唐詩詠的緋聞，他說：「我邊有時間拍拖，佢又有劇拍，我真係一至六都要返工，周日拍嘢，大家都好忙。其實我識好多娛樂圈朋友，食過幾次飯，但可能佢娛樂新聞價值高啲，咪多人寫囉。」
Samuel與女友已分手兩、三年，坦承恨拍拖，但現在沒有女朋友。他用肯定語氣講與唐詩詠關係：「好朋友囉，追求？一定唔係。」一齊行山？他說：「唔好逐個逐個研究，再講對佢唔公平，大家係好好朋友。」問到擇偶條件？他直認要求高：「合眼緣，要溝通到，仲要錫屋企人，我仲同緊媽咪一齊住，要搞掂我阿媽先可以搞掂我。」
投資英國物業
會否接受姊弟戀？Samuel陰陰嘴笑說：「年齡唔係問題，國籍都唔係。」對於被爆到骨場按摩，他解釋：「我都好鍾意啲字眼，巧妙地避開任何法律責任，又可以用照片說故事。最近香港好難過，如果咁嘅小故事幫到香港人放鬆一下，都冇所謂。」多次被影到與不同女伴出入，Samuel的花心形象與葉朗程不謀而合。早前葉在社交網寫了一段約金牛座女子慶祝生日「爆房」的故事，相中主角貌似唐詩詠，網民即聯想Samuel是葉朗程。他直言被網民鬧爆：「好多人私訊鬧我，令佢哋冇晒幻想，又話破壞男神、破壞女神，根本我唔應該喺呢個故事出現。」他強調自己不是葉朗程：「我呢度唔係ifc，個樣又唔似張智霖，佢係我一個好朋友，既然佢想保持神秘，應該尊重佢。」
Samuel自9歲便到英國讀書，直至碩士畢業，24歲開辦「英識教育」搞升學顧問生意，前年公司估值達8千萬。據悉他除在香港置業，英國亦有三層樓，Samuel謙虛說：「梗係唔係過億啦，英國物業要嚟投資，600幾萬買，收租兩萬幾，回報唔錯，但全靠自己，唔係full pay，仲要供㗎！」陳家世代在流浮山賣海鮮，雖然父母小學未畢業，但14年來花了數百萬供自己到海外讀書：「佢哋供我讀書好辛苦，媽咪要落去捉魚，真係要捱，見佢哋成日出入當舖，我好感激。」
社運影響生意
連月來香港受逆權運動影響，送子女到外國讀書的人數增加，仲越來越年輕，但Samuel坦言生意額沒想像那麼多：「係多人去咗，阻力少咗，但冇坊間諗咁多。」