【本報訊】許仕仁在審訊期間被爆出曾向上海紅顏知己沈莉娜饋贈約850萬港元，之後更被多間銀行催債而宣告破產，但妻子羅美美一直不離不棄，更在出獄前一周，四處為丈夫張羅物品，更直言已準備二人共晉晚餐慶祝，貫徹在許氏背後默默支持的女人。
食飯賀結婚45年
許仕仁出獄前一周，一頭短白髮的羅美美為丈夫預先到電訊商辦理手機SIM卡事宜，之後又到處買暖包，希望丈夫過一個暖笠笠的冬天，並安排司機及朋友在許出獄當日接送，而她則留在家中等候，二人將會吃飯慶祝，但未知外出還是在家吃，「佢鍾意去邊食，咪就佢，但我諗佢未必想即刻出街，佢想食乜就盡量將（遷）就。」對於丈夫口味，許太就最清楚不過，她指丈夫愛吃肉，因怕骨不愛魚，亦不愛瓜類，「但在獄中生活五年，唔到佢選擇，會唔會（口味）改變就唔知」。
適逢今年是夫婦結婚45周年，許太稱不會有隆重慶祝，「我唔係好興（慶祝），如果大家感情關係OK，相處OK就係OK。」她認為夫婦相處之道在乎互相遷就，「例如我鍾意食魚，佢怕骨唔食，但當然佢（出獄）返屋企，會（遷）就佢多啲啦！」
本身是退休公務員的許太，每月有長俸，且無兒無女，無買樓，生活穩定。對於丈夫出獄後會否「重出江湖」，她直言任由他自己決定，「等佢返出嚟唞吓先，佢想唔想做嘢定點，我唔係好大問題」。待丈夫的破產令解除後，「到時返工做咩都可以，自由啦！」
事實上2013年許仕仁破產後，二人已搬離涉及巨貪案的4,500呎禮頓山超級豪宅，而許太平日有工人照顧，深居簡出，生活樸素，出入由司機接載。許太上周亦有相約好友見面飲茶，包括曾為唐英年擔任競選特首公關的馮馬潔嫻，只見許太心情不俗，兩人叫了一個328元的二人午市套餐，席間有說有笑。
■記者郭美華