【本報訊】本港冬季流感高峯期預計提早來臨，近日公院急症室求診人次上升及病房爆滿。杏林覺醒成員、屯門醫院心臟專科醫生黃任匡表示，過去兩日公院急症室入院和求診人數的確有所上升，確診患流感人數仍增加，「最高嘅高峯期仲未到，預計都係嚴峻」。
吸納外地畢業生百上加斤
他批評，政府和醫管局多年來處理應付流感高峯期未見成效，「好似早兩日醫專出嚟講話要吸納一啲初畢業醫生，講到好似想吸引外地醫生……政府同醫管局成日都話好缺乏專科醫生，但𠵱家吸納啱啱畢業嘅醫生嚟香港，之後要搵人訓練同撥資源為佢哋提供培訓，其實係百上加斤」，藉醫護人手不足為由達到其他目的，反映政府和醫管局一直無心解決問題。
衞生服務界立法會議員李國麟則指，香港護士協會於本周五將會見醫管局新主席，屆時會討論公院在流感高峯期的應對措施和醫護人手緊張等問題。他批評，本港並非首年出現流感高峯期，「每年都有兩轉」，但始終未能解決應付流感高峯期問題，包括醫護人手和病人比例等，「開床之嘛，我都識啦……但唔係開床就解決到問題」。他又提醒，今年提早來臨冬季流感高峯期，呼籲市民接種流感針，下周天氣轉冷記得保暖。
■記者張文鈴