有傳阿里巴巴將入股無綫電視，咁咪幾好，TVB可名正言順稱為CCTVB，而那群什麼太監五虎和撐警「藝人」，也終於找到命中註定的理想歸宿。今天很多港人對TVB非常反感，恨不得它步亞視後塵，可是我不這樣看。
家有深藍長輩的朋友告訴我，老人家向來只看無綫新聞，大半輩子從不質疑，但近數月「暴徒襲擊警察」畫面老是常出現，老人家越看越覺不對路，有天終於福至心靈，突破盲腸，彷彿看穿了無綫膠劇的犯駁位，忍不住邊看邊罵：「有冇搞錯，啲差佬有槍有炮，做乜成日都畀暴徒追住打？咁不堪一擊，我仲要交稅養呢班垃圾？TVB肯定刪晒警察打人啲片啦！」
朋友見老人家幡然醒悟，自己也老懷安慰，馬上乘勝追擊，天天把其他媒體的新聞片段傳她看。老人家看了一段時日，居然漸漸變黃，最後更驚人地自行推出這個結論：「TVB新聞睇壞腦，真係唔睇得㗎啦！」想起倪匡先生說過：「我覺得你睇無綫，唔係無綫攞你當白癡，係你自己攞你自己當白癡。」
從上述故事可知，無綫新聞也有一種「藍到盡頭就是黃」的治療效果，情況就像看屈穎妍的文字，只要你智力未穿下限，自會感到她宣傳的東西過分荒謬，反而令你清醒過來，得到救贖的機會。有共產黨，自然有洗腦機器。沒有亞視，也有無綫；沒有無綫，也有央視。「屈穎妍化」的無綫電視，絕對是值得國家擁有的，因為它宣傳技巧太拙劣太奇葩，以致洗腦的成功機率降至最低，而目標觀眾的範圍也縮到最小──只限無懈可擊的白癡，或毫無良知的敗類。
商務及經濟發展局局長邱騰華就應該多看TVB。他日前揚言反對「黃色經濟圈」，傻呼呼的問：「你憑乜嘢分黃藍？」邱局長，全香港看慣大台劇集的師奶，都可以馬上答你：「呢度唔係法庭，唔需要證據，我對眼就係證據！」假如你看見一間食肆播着無綫新聞，還不知道它是黃是藍，我覺得你不是色盲，而是白癡。