「兄弟爬山，各自努力」，遍佈世界每一角落嘅Hongkonger，今年都因為一場反修例運動，為守住香港僅餘嘅民主法治盡力。有人上前線抗爭，有人喺後勤支援；有人進擊區選平台，有人強攻國際輿論。身為傳媒，當然要報道真相，尤其喺港府官員大話講盡、警謊歪理連篇之時，就要依靠影像同文字，為歷史留證。
聖誕前夕，《蘋果》先後收到兩張由澳洲悉尼港人寄出嘅聖誕卡，「多謝大家辛苦努力報道！加油！」、「感謝《蘋果》新聞部仝人堅持報道真相，為香港市民發聲！」《蘋果》多謝市民嘅打氣，一如卡上所載，"fight for freedom, stand for hk"，2020年必定繼續與港人同行，用真相對抗不義。