MIRROR成員江熚生（Anson Kong）雖然冇份赴台拍劇，但日前就有份拍攝ViuTV劇集《打天下》，前晚他與同劇演員歐錦棠、文頌嫻及談善言等在尖沙嘴出席煞科宴。歐錦棠與文頌嫻相隔十多年再度合作，久未拍劇的文頌嫻坦言初時擔心自己表現生疏：「棠哥幫我對戲，佢嘅演技差啲令我喊出嚟，又為咗我容易適應，陪我拍多兩場戲先，令我安心。整個拍攝又唔使我開夜班、通宵班，可以畀我照顧7歲嘅女。」文頌嫻笑說身兼補習老師、司機兼保母，不能出埠太久或通宵不回家。
歐錦棠就指文頌嫻對導演的挑剔要求也交足貨：「導演特登跣文頌嫻，要求佢兩秒做三個表情，但佢唔會問點解，一秒照做幾個複雜表情，簡直係戲精。」歐錦棠笑言與文頌嫻再合作令雙方感情昇華。
採訪、攝影：張明