【本報訊】教育局施壓禁止學生參與政治活動之際，可立中學有訓導教師疑不滿學生趁午飯期間外出參加「和你Lunch」行動，向學生「照肺」，錄音在網上流傳。該教師多番批評示威損害香港經濟，「香港淪陷咗係因為呢班人（示威者）」，「香港警察係世界最好㗎」。
教師揚言「香港警察世界最好」
連登討論區日前流傳據稱是可立中學教師對學生訓話的錄音。該校學生Tom（化名）向《蘋果》證實，錄音中的女子為該校一名文姓訓導兼體育科教師，時常在下課前向學生表達個人政見。約50名同學參加於上周五新蒲崗「和你lunch」行動，部份中一同學放學前遭文教師當眾訓斥逾20分鐘，期間有人錄音。根據錄音內容，文教師怒批示威者破壞社會穩定，「香港係中國嘅香港，𠵱家係有一班人喺度發緊港獨夢，係100%唔會成功嘅，同時都唔會令香港更加繁榮。一個社會唔穩定，乜嘢都做唔到。」又指學生沒投票權。文教師又批評示威者要求解散警隊是不切實際，「我唔知點解有啲人會話贊成支持解散警隊，香港警察係全世界最好㗎。」擔憂香港變成另一個烏克蘭，「我上咗岸，我真係唔驚，我大把錢，但我一啲都唔開心，見到香港咁樣。」
Tom表示，校方至今未有處分參與同學，但未知會否「秋後算賬」，他又相信若新蒲崗再有「和你lunch」行動，同學會繼續參加。《蘋果》本周一向校方查詢，截稿前未有回覆。
■記者羅智堅