《全民造星II》冠亞季軍前晚出爐，首輪已出局的英健朗（小占）其實是第一代ViuTV「親生仔」，原任職精神科註冊護士，因為太喜歡演戲才轉行做藝人。小占年初毅然與ViuTV解約，再去參加《造星II》，誰不知自己友都無情講。小占日前在尖沙嘴接受《蘋果》訪問，他說：「嗰陣我推晒啲job，點知第一round出局，好似冇咗全世界，down咗好耐。」在父母建議下，小占返回護士行列：「病房勁缺人，咪入去做part-time，𠵱家主要係照顧嚴重智障嘅人。」小占指雖然病房人手不夠，不過工作得開心。
助解開心事
小占更利用自己的專長，在YouTube開設一個「小占電視台」，又在Ig與網民訴心事：「𠵱家啲人知我係精神科護士，好多人inbox我話想死，我唔理佢真定假，會慢慢同佢傾。」他更說：「其實好多人寧願搵陌生人傾偈，都唔敢搵朋友傾，一來怕拖累人，二來又可能覺得佢未必幫到手。」反送中運動從6月至今已經持續半年，有抗爭者因與家人和朋友政見不同，關係決裂，他說：「有人政見唔同，可以同佢講吓，唔一定係說服，只係畀佢哋睇吓𠵱家發生緊乜嘢事，唔係話藍絲一定衰。」然而小占坦承因為工作關係，沒有辦法走去前線。
採訪：唐琛悠
攝影：陳慧安
場地提供：The AIR（The ONE）