曾俊華不管赤字、不問政治，退休後再復出，聚焦科技和教育。他接受本報專訪時指，在科技發達年代，「軟技巧」遠較「硬知識」重要，批評現行教育制度不合時宜，「以十九世紀的課程、二十世紀訓練出來的老師，教育新生代迎接廿一世紀的挑戰，是有些問題」。對於自己意見與政府、建制人士有差異，他笑指，「咁你要問吓佢哋啲仔女做緊乜嘢，身體很誠實」。
記者：黃珮琳
訪問間多次提到教育的重要性，曾俊華直指想培育出更優秀的新一代，香港教育制度需作出根本改變，批評課程、老師跟不上時代轉變，「仲係咪要教細路5位數除3位數？要唔要學搵square root？甚至好多hard fact，明朝邊個皇帝做咗啲乜，不如畀個電話佢撳吓」，相反，教授批判思維、溝通及合作技巧顯得更為重要。
嘆政府似「航空母艦」
不過，曾俊華對教育制度的剖析，與政府、建制人士卻有大差別，他笑指，「咁你要問吓佢哋啲仔女做緊乜嘢，（佢哋）講出嚟嘅和身體語言有少少唔同」。縱橫官場幾十年的曾俊華慨嘆政府、教育局似「航空母艦」缺靈活性，需要時間轉身，難直接落命令改變，但很多事情「可以在民間由下而上，作出小片、小片嘅改變，多咗改變就可以成為運動，推行就更加方便」。
互聯網、科技大爆發，教育自然不能與科技切割，他提醒大眾要了解科技發展、繼續學習，「唔可以被科技、人工智能推走，反而要學習如何操縱（科技），令呢啲人工智能成為我哋嘅工具」，提升社會到另一層次。
儘管極力迴避，政治也會找上你。對於刻下興起的「黃色經濟圈」，身為保泰人壽資深顧問的曾俊華答得巧妙，「好明顯我哋係粉紅色」，在壁壘分明的時局仍有一絲生存空間。
社會撕裂，更甚是爆發信心危機，他直言如何重建互信這問題「好heavy」，但也試着解答，「你要人哋信任你，你要先信任人，亦唔好太快對每件事情做判斷」，甫見面已斷定某種顏色或立場非好開始，應該要以開明及包容態度交流，蛋並非只批評年長人士。分享到了解年輕人的方法，他說面談是不二法門，自己亦不時走入學校與年輕人交流，「大家傾吓偈，講自己嘅期望，擔心啲咩，我都好多話題同佢哋傾。」
不信中環「換血」
有講法指中環正在「換血」，中資機構不願意相信港人員工，取而代之是陸續摻入內地員工，曾俊華答得斬釘截鐵，「我唔信呢啲咁嘅嘢，唔請香港人請咩人箒？」，並大讚港人高質，具備衝勁、創作能力、執生能力、推廣能力等，稱只能在香港才能培育出這些優質因子。
如今香港卻失去幾代人，不少人選擇避走他方，曾俊華稱無法勸人留下，坦言「如果有好多人移民，當然會好可惜」，又指本地人對本地發展相當重要，「若移民（認真）係一個問題，也可考慮利用科技解決」，指科技已打破地域界限，無礙港人繼續為香港貢獻。
