民×聯策劃打大老細荷包，養住落選區會的一班敗將，據聞四年的包養費要一億五，暫時未有闊佬肯開水喉。一億五雞碎咁多，相對1.1萬黑警半年來OT補水9.5億，九牛一毛。放1.6萬個TG，1.1萬黑警平均每人放超過一個，拎到9.5億，足以日日海底撈飯，幫這家紅色上市公司更上一層天台！歡呼要為周梓樂同學之死開香檳慶祝的黑警，領到九億加班費後，盡情飲到暴斃！未死的話進駐寶福山，日日巡查往返致祭的市民，凡黑衣者，必搜！擾民嗎？受人錢財，瞄準寶福山放TG，二噁英毒量遠比焚香燒冥鏹低嘛，羅致光，對不對？
一邊食蕉一邊扮鬼臉舉中指的執勤黑警，拿九億補水，天方夜譚？喔，草「管」人命的四點鐘警謊又試噏錯，應該學林奠那句：天公地義。九億發下來，交通燈繼續搵便衣砸，裝修商鋪，照計補水，冇理由停。自製炸彈郵包送去年輕人屋企，就算對方唔收，照拉！成功爭取過年前拉夠一萬人！721晚，拍晒白衫鄉黑膊頭唔理元朗站市民死活的黑警，拎住八萬銀補水，跟劉蛇返大灣區消費，寧呃五毛like，唔益撐警藍店；藍店冚家拎。