【本報訊】鍾民頴縱橫投資界逾25年，見證金融市場大大小小的風浪。對於本港近半年的動盪，他認為雖然未至於對經濟造成「根本性的崩盤」，但憂慮國際金融中心的基石會因環境變化受到影響。
他坦言，無論身在哪一個陣營，對政治有何看法，大家的共識都是維持香港作為一個開放的金融中心，「呢個係香港唯一生存、存在嘅意義，所以連帶法治、開放嘅金融體系及聯繫滙率，都係唔郁得，諗都唔使諗。」
經濟未現根本性崩盤
社會不穩對經濟的負面影響逐漸浮現。鍾民頴表示，香港累積的財富經過三、四十年的大周期，以穩住經濟的角度來說是相當充裕，而最新公佈的外滙儲備資產亦有4,343億美元，足以支持社會運作開支幾倍，「暫時未見到根本性嘅崩盤，亦都唔覺會出現」。
不過，鍾民頴指有部份公司賺不到錢，甚至盈利倒退，是短期要面對的情況。
他亦分析指，純粹看恒指表現，雖然受壓，但無想像中惡劣。指數入面有很多中資企業，業務沒有受本港事件影響，股價相對穩定，某程度穩住恒指。
「從政治、社會角度，呢六個月可能係近五十年最動盪嘅時期。」他稱，香港問題的確要大家一齊去面對，例如在整個事件告一段落之後，如何重塑香港的角色，或者再度提升自身的競爭力。他再三強調，守住國際金融中心地位的重要，「呢個就係我哋香港經濟或者社會重新上路嘅起步點，無論黃營、藍營、綠營，都係要咁行，如果唔係你都唔使講㗎啦」。