人氣ViuTV節目《全民造星II》今晚舉行總決賽，昨日進行拜神儀式，MIRROR四位成員姜濤、Lokman、Ian及Anson Kong到場為十強參賽者打氣。被視為大熱的28號張天賦（MC），透露為演出準備得七七八八：「好緊張，其他參賽者好似多道具過我。」他否認自己坐定粒六，又透露今晚比賽的演出有別以往：「以往大家會覺得我嘅演出抒情啲，今次會狂野啲，希望花姐會覺得我有突破。」他認為呼聲越高壓力越大，擔心演出與外界期望有落差，怕辜負支持者。
Tank秘密練功
另一參賽者29號梁德忠（Tank）同樣被視為大熱，他表示未有刻意理會別人評價：「上台嘅始終係我，聽完我都係『thank you thank you』。我都準備好晒，希望到時唔好怯場。跳舞一定有，唱歌都有少少，我有秘密練功，希望到時唔好咁魔音。」而黑馬14號吳啟洋（Phoebus）及82號丘凱雄（Hugo）對自己的演出有信心，Hugo表示給自己五分：「可能啲沉默嘅大多數終於出嚟投票又唔定，到時就可以逆轉勝，感謝媽媽為我充當流動宣傳車。」
姜濤悔認處男
此外，姜濤日前接受商台訪問，對於曾在《全民造星》比賽期間承認是處男感後悔：「唉！寧願當初唔出聲好過，冇諗過出道以嚟對我嘅問題都圍繞住呢啲嘢，我想大家關注我音樂同表演，唔想俾人標籤呢啲嘢。」在節目中他透露未拍過拖，原來中間有一個悲慘真相，他說：「冇諗過呢句說話會放大，我可以話冇正式拍過拖，因為試過有個女仔我以為佢係我女朋友，點知佢只係夾埋其他人嚟玩我呢個肥仔，呢個經歷咪當自己冇拍過拖算啦。」
採訪：盧妹
攝影：葉君海