娛樂圈多偽人就梗啦，今次又有一個好例子。「巫婆」之前同近年上位嘅「蜘蛛」合作拍劇，但就爆出蜘蛛唔單止做咗女一，監製仲錫到燶，畀蜘蛛想點就點，搞到一直以嚟都係妹仔命嘅巫婆好不滿，四圍同人呻，呻呻吓就呻到去記者耳中寫晒出嚟，蜘蛛咪即暗寸巫婆，話佢爆料搞是非博見報，兩人關係勢成水火，實行有你冇我。
不過外界唔少人都被巫婆一向弱不禁風嘅形象呃到，以為佢真係成日被人蝦，其實喺唔少新人面前，巫婆都一樣會擺款恰啲新人㗎。Jessie聽到巫婆有次同成班演員為劇集宣傳接受訪問，工作人員原本已安排好啲次序，但點知巫婆自己遲到，咁都不特止，嚟到又話要趕住走，結果要逼工作人員拍咗佢先，等佢可以做完即閃，而原定時間受訪嘅另一個新演員，惟有企埋一邊呆等。
撰文：Jessie
姐匙Talk
我姐匙縱橫歌影視幕後，多年嚟冷眼旁觀，娛樂圈大小事都走唔過我雙眼，歡迎大家嚟剝花生。