現年30歲的黃心穎今年4月被《蘋果》獨家爆與52歲人夫許志安在車廂偷食，二人先後公開道歉，並宣佈停工。不過消失8個月的心穎，昨晨7時多從香港機場禁區步出，她強忍淚水地說：「我好開心，我終於返到屋企！」問到是否轉行，心穎爆喊坦言：「未諗過！」
黃心穎昨日早上約7時多從香港機場禁區步出，現場有半百傳媒守候，心穎甫見記者已眼濕濕，受訪時更邊落淚邊說：「大家好，好耐冇見，我好開心，因為我終於返到屋企，我好想趁呢個機會去多謝啲人，好多朋友、好好嘅同事，尤其係我屋企人，辛苦晒佢哋，甚至乎有啲唔係好識嘅人，佢哋都會send message同留言，畀咗好多力量我今日企喺度。」
拒談安仔馬國明
問到近況，心穎忍不住用手抹眼淚說：「喺過去差唔多8個月，真係好努力咁生活，雖然都聽到外間有好多猜測，但係我都只不過係好努力去生活。」之後她中、英文並用道歉：「I made a mistake, and I try really hard to live with it, to learn from it. 但係同時我都覺得要push on，我都想繼續向前行，向前望。」心穎又指：「無論係我想講，或者我要講嘅，私底下同公開都講過，所以喺呢件事上面，我都唔會再有任何回應，而今次返嚟最主要係陪我屋企人，因為真係好耐冇見，希望大家可以畀多啲空間我哋。」被問及早前無綫高層樂易玲代她回應傳媒指情緒不穩定，心穎說：「𠵱家好好多！」當問到有否找舊愛馬國明及如何面對他時，心穎則說：「私人嘢唔回應喇。我諗都係會好開心。」她表示多個月來都是一個人身在外地冷靜及獨自面對所有事，又拒絕回答是否聯絡過許志安。
心美現身陪妹妹
早前有報道指心穎改名轉行做地產，心穎坦言：「未諗過！」她解釋：「首先我冇改名，亦都冇轉行。」有指心穎遭廣告客戶及無綫索償而要賣樓還債，心穎表示：「喺呢件事發生後，有好多傳聞，我唔再回答喇。」是否返無綫拍劇？她坦言：「工作上嘅嘢冇聽過，樓嗰啲已經完成咗。」今次逗留幾耐？心穎亦未有正面回應：「要見咗屋企人先，sorry！」其後，心穎由家姐黃心美的經理人護送到停車場坐上白色七人車離開，之後七人車駛入油塘鯉灣天下。約5分鐘後，家姐黃心美身穿白色衞衣及帽現身，於門外讓記者拍攝後火速上樓，至早上11時，黃心穎經理人及助手離開，而心美隨後出現，問到與心穎討論了甚麼？眼紅紅的心美表示：「唔答喇。」隨即上樓繼續陪伴心穎。
另外，馬國明回應傳媒是否得知心穎返港消息時表示：「冇回應，謝謝。」馬國明自回復單身後一直專心工作，上月他偕唐詩詠到新加坡出席「星和頒獎禮」獲封視帝，日前角色又入圍《萬千星輝頒獎典禮2019》最佳男主角，前晚他與佘詩曼等好友出席一位燈光師的60大壽壽宴，看來他已走出情傷。
採訪：黃曉妍、唐琛悠
攝影：黃曉程、朱志聰、林賓尼
【負評一面倒】網民睇死難翻身
李德理：睇片唔知以為佢先係受害者，真係香港奇聞。
鹿島条野：無論搞生意定打工，你邊行都搵唔到食。
Jojo LXn：喺呢行幾努力都好，都冇辦法清除黑歷史，每次訪問只會舊事重提，永遠上不到高