陳樂榣、黎燕珊和女兒劉詠詩、康子妮及楊柳青昨日到尖沙嘴出席活動，陳樂榣透露2013年花一萬蚊做網上生意，翌年就在韓國設廠房，最近忙於做珠寶品牌生意：「做高級仿鑽，今年再掟200萬發展，希望做到中企業。」雖然過去半年因社會運動對生意有影響，但陳樂榣表示：「本身諗住有穩定嘅收入就OK，個女又細，想多啲時間陪佢，但經歷呢個運動，我都希望有多條後路。」