許志安在「安心事件」曝光當日立即開記者會，聲淚俱下自認是「壞咗嘅人」，宣佈無限期停工，就連今年9月的演唱會亦取消。兩日後，安仔獲另一半鄭秀文（Sammi）原諒，Sammi於社交網中留言表示已原諒安仔，更指夫妻相處之道是要「互相糾正」。其後，Sammi於7月開紅館騷時，安仔幾乎晚晚現身，而Sammi亦在開騷期間，貼出有安仔半邊身的後台「照片」，有意放生安仔。
完成13場演唱會後，Sammi與安仔即被發現孖張衞健兩公婆飛英國旅行，兩人落機時更手蹺手，顯得非常恩愛。之後，Sammi與安仔又被發現轉飛到維也納繼續悠長假期。放完假後，似乎已跟安仔重修舊好的Sammi，繼續投入工作，以及照顧相繼生病的父母；至於安仔，則繼續其「自修」生活。
撰文：翁可人
