組合農夫成員C君昨日結婚，鄭裕玲（嘟姐）、黃子華、容祖兒、蔡卓妍、麥玲玲及邱禮濤等，昨晚到四季酒店出席婚宴。當嘟姐到場時，陸永親自迎接，嘟姐說：「恭喜啦，知佢想結婚好耐，不過都唔知新娘鍾意佢啲乜。」在旁的陸永搞笑說：「今日要講吉利嘢。」嘟姐聞言即識趣地說：「咁佢都有優點，合作過知佢聰明又有啲墨水。不過今日新娘係要搶鏡啲，結果搞出啲咁嘅兄弟裝，係乜色？」陸永笑稱：「係屎色。」問到送甚麼禮物，嘟姐透露送現金，她又指C君「好有錢」，自己的賀禮只是少少心意。訪問期間有位外籍小妹妹要求跟嘟姐合照及簽名，陸永即稱：「佢係國際嘟。」
此外，張繼聰和謝安琪前後腳到達，提到送甚麼禮物，張繼聰表示：「現金最實際。」問謝安琪會否向一對新人傳授相處之道，她笑說：「呢啲我好渣皮，阿聰咁早嚟，一早同佢哋講晒啦。」她坦言很欣賞C君文筆，純看文字會以為他是一個俊男。而黃子華到場時，雖企定定任傳媒影相，但表示不接受訪問。
採訪：盧妹
攝影：陳俊強