梅艷芳離世近16年，但梅迷對她的思念依舊如昔，近日有網友驚見「梅艷芳國際紀念館」在北角城市花園出現，原來成立紀念館的人就是阿梅的大哥梅啟明。佔地只得數百呎的「展館」，擺放了阿梅兒時在歌舞團的相片及物件，梅啟明表示：「我想畀啲歌迷有個聚腳點。」
撰文：盧妹
攝影：陳慧安
現年67歲的梅啟明，因為母親覃美金構思，為阿梅搞這個紀念館，前晚他一人拉着兩個箱現身紀念館，率先讓記者進入仍在製作中的紀念館。館內貼滿阿梅兒時演賣花女的劇照、表演照片和人形紙板等，林林總總堆滿數百呎「館」內。梅啟明表示紀念館將免費開放，讓梅迷參觀，館內更放有自製的postcard及紀念特刊，旁邊放有紅色收款箱，收益將用作紀念館經費。
為揮霍無度平反
梅啟明表示自己親力親為，逐少將阿梅遺物擺入「展館」：「冇乜特別裝修，主要畀人知有個會址喺度，等外地嚟嘅歌迷，有個地方聚吓。我諗住整個卡拉OK，大家唱吓歌，同埋擺個電視放阿梅嘅嘢。」
提到多年來，梅啟明被外界質疑揮霍無度，對於負評連連，他受訪時為自己平反：「其實我好想講，你哋成日將我講嗰啲嘢倒轉晒，我講嘅每一句都係真。」他透露成立紀念館，只希望大家不要忘記阿梅：「呢啲（演藝事業）係佢嘅天份，好多人話咩迫佢（阿梅）出嚟唱歌，講得咁難聽，其實邊有得迫？佢喺屋企真係要風得風，個個都錫佢。」
阿梅徒弟冇慰問
紀念館以阿梅成名前及成名初期的物件為主，加上大部份遺物已拍賣，梅啟明表示：「啲值錢嘢，偷得嘅都被人偷晒。拍賣嘢畀佢（梅媽）做生活費，嗰一個幾毫，使唔使咁誇張呀？其實係清洗、謀得就謀，我哋有乜苦未捱過？我哋唔係為錢，外界成日話爭身家，屋企人有乜好爭？」問到阿梅的徒弟有否參與紀念館事宜？他有點無奈地說：「人唔喺度，茶一定就涼㗎啦。如果係攞個心出嚟為阿梅，有個慰問我哋都好開心，連慰問都冇呀。」
