【本報訊】反送中政治巨浪下，建制派區選大敗，新民黨更全軍盡墨，28名新丁以致老將一個不留。該黨在屯門富新落選的甘文鋒認為，建制派敗陣是選擇支持政府的結果，但敗選責任始終在候選人，認為今次是建制派改革的契機，除了不應再將政治與區政切割，更要思考是否每次都要被動地支持政府施政：「係唔係每次中央有國策出，我哋（建制派）又等政府推啲嘢，就支持呢？」
早預視落馬
37歲的甘文鋒四年前起一擊即中當選屯門富新區議員，今屆卻在反修例風波下被落區不足半年的素人李家偉打敗，區會之路一屆止步。甘敗選後接受《蘋果》訪問，認同政府在反修例風波中處理不當間接令建制派大敗，稱選民用選票表達對政府的不滿，惟認為敗選責任最終仍在候選人：「政府固然喺成件事做得非常之差喇，我估全香港市民都同意。但從事政治，所有嘢都係自己選擇嘅，你決定去支持政府，咁政府做得差，政府係有責任，但到最後（責任）都係參選人或者候選人自己。」甘文鋒坦言有選民曾要求他退黨後才投票支持，故選前已經預視很大機會落馬，對留黨決定不會後悔。
甘文鋒分析，今次選舉已經出現質變，相信選民對區議員的政治立場要求會提高，建制派若期望下屆區選捲土重來，必須改變在地區「只談民生，不談政治」的做法，建議建制陣營在重要事件表達政治立場，「以後區議員會再辛苦啲囉，年長啲嘅人需要有社區服務，但年輕人同中年人又需要你有政治立場上嘅表態，之後嘅區議會選舉兩樣都有。只做地區工作係一定冇可能翻盤」。
甘文鋒建議各政黨思考尊重中央之餘，是否可作出政治表態：「係唔係每次中央有國策出，我哋（建制派）又等政府推啲嘢，就支持呢？如果未來要爭取更多香港人支持，係咪應該繼續係咁呢？」
■記者陳嘉裕