吳浩康將於本月30日舉行演唱會，近日忙於綵排及宣傳，惟同居一年的36G咪神女友崔碧珈卻時間剛剛好，前晚突然於Ig自爆分手。昨早，吳浩康亦於Ig認分手︰「不配為你的男朋友。」惹來崔碧珈寸爆他講大話：「扮上進？」其實今年9月，崔碧珈亦曾試過於Ig自爆分手，後來吳浩康指女友情緒病復發，未知今次崔碧珈是真分手抑或為男友宣傳開騷。
自責非好男友
31歲的崔碧珈今年4月被爆與36歲吳浩康秘戀，直至9月兩人才大方認愛，正當大家以為他們感情穩定時，崔碧珈前晚卻在Ig上載一張公路照片，寫上自己是個重感情的人，認為兩個人相處要互相包容，而不是要改變對方：「如不，離開可能是一個新的開始。」
吳浩康昨早發文承認甩拖，並感謝崔碧珈，自責未算是好男友︰「可能我未能夠盡一個好男朋友的本份，因為我放了太多時間於工作而忽略了你，不配為你的男朋友。」更希望日後有能力，雙方再有緣走在一起。不過這段「深情文」卻惹來崔碧珈反擊，踩場留言：「你想扮上進？」、「講得咁漂亮，多謝你繼續說謊」、「唔好感恩，大話精」。
拒談甩拖真相
昨日《蘋果》聯絡過吳浩康與崔碧珈，了解兩人分手真相，吳浩康回覆：「冇乜嘢回應了！謝謝！」崔碧珈則說：「唔係因為工作，佢從來工作上冇因為咁而忽略我，我哋同居咗一年，時間見面上係冇問題，但因為乜事，私人事情唔回應了，多謝關心。」
崔碧珈入行七年幾乎零緋聞，相反吳浩康多年來緋聞及戀情如走馬燈。崔碧珈今年9月公開認愛前，曾在Ig連環貼文暗示情已逝，惟吳浩康指女友情緒病復發，其後再甜蜜晒恩愛。今次崔碧珈宣佈分手前幾日，亦在Ig貼文字圖暗示，指「心只有傷」，吳浩康就隔空回應：「請問你想點。」之後兩人將貼文刪除。
採訪︰李察