反送中運動已持續半年，多次遊行最後都演變成警民衝突，警民關係陷入前所未有的分裂局面。不過坊間有不少人支持警察，昨日有藝人組團到警總低調送暖，可惜最後被豬隊友將相片上傳到fb，即使秒刪相片，但已被人秒cap圖在網上瘋傳。
曹永廉舉家支持
昨日曹永廉一家、楊明、莊思明、莊思華、姚瑩瑩、保安局前局長李少光兒子李霖恩、李嘉、劉俐、冼國林及朱庭萱一行多人，將一條藍底印有香港夜景兼寫上支持句子的banner送到警總，當中有「致PPRB各位勞苦功高的警務人員」字句，由警察公共關係科高級警司江永祥、總警司郭嘉銓及謝振中等接收。
其後有人將相片上載到fb並留言：「今天有藝人往警察總部為警察打氣！」結果有人留言叫上載者刪post，有份出席的朱庭萱更說：「班藝員係秘密探訪，唔出鏡㗎害死人喇！」接着她更連環出post：「Please deleted and don't forward out！！！！」、「醒啲好唔好呀！人哋嚟支持，你哋害死人！」、「Don't share Please.」亦有人提醒樓主：「你張相仲係公開的。」朱庭萱爆粗回覆：「Fxxk reply Please.」最後當然被瘋傳。
網民嘲最強隊友
有網民留言：「原來張相原本唔係公開㗎，大家唔好save唔好share呀！」亦有人到上載者fb留言：「好似你啲低學歷，低技能嘅社會渣滓，終於有貢獻社會嘅一日，將你嗰班同樣中學畢業嘅電視小丑公諸於世，果然係最強嘅隊友！」、「做咩del post箒？撐警咁光榮嘅事做乜咁鬼祟呀？晨早有人cap咗圖，你唔好下世先刪圖」、「你唔係豬到仲覺得今時今日撐警係一件光榮嘅事？」
撰文：葉雪
