【本報訊】出席周梓樂追思會的市民中，猶以昔日好友份外傷感，好友Sam曾在醫院陪伴梓樂度過最後日子，他直言十分想念梓樂，仍覺得梓樂之死並非真實，「佢一定想自己嘅犧牲可以喚醒其他人」。雖對死因感可疑，但一眾好友尊重梓樂家人欲低調處理的決定。
Sam是梓樂大學同學，梓樂出事後，他與一班好友趕赴醫院探望，本欲追究事件，惟梓樂父母希望低調處理，「我哋都要尊重佢哋，所以選擇咗當時唔出聲」。由死訊到現在已過了一個月，Sam仍未能接受梓樂離世。
「搵唔到真相對佢唔住」
Sam帶笑憶起故友為人「真心膠」，「第一印象係都幾低能」。梓樂去旅行愛自拍，放上好友群組問他們：「係咪太型？」Sam透露梓樂不時有「蝦碌」事件被取笑，「出事前幾個星期一齊食飯，佢先知魚香茄子冇魚呀」。
梓樂頭七當晚，Sam與好友再臨尚德停車場悼念，得悉梓樂喜歡日本女星新垣結衣，他們就送上新垣結衣的寫真和海報給天國的梓樂，並留下懷念字句：「夢境內相見」、「結衣for you」等。
阿長是梓樂小學同學兼死黨，梓樂離世前一晚，他在病房向好友說的最後一句話，「我同佢講：『快啲醒啦，煲底想見到你』，佢呼吸係大咗，明顯見到唞氣胸膛位置有一下子（起伏），我知佢聽到嘅」。阿長形容梓樂年輕有為，但死得不明不白，誓言要找到其死亡真相：「若果我哋搵唔到真相，係對唔住佢……」
■記者龔蕙芝、盧藹雯