香港警察近期全力為自己暴行洗白，明明冇做過記者但就對傳媒報道用字指指點點，仲將「失實」、「假消息」呢啲字眼掛喺嘴邊，但呃到自己唔代表呃到全港市民，佢哋如意算盤本來想搵公關公司幫手，點知被公關界唾棄拒接生意，或者因為咁而要自己嚟，所以不時喺Popo嘅fb專頁出現劣質資訊。
低級當有趣
Popo噚日就貼咗張設計圖片，用意大利當代藝術家Maurizio Cattelan近期喺Art Basel個「黐香蕉」作品概念，改為黐個催淚彈出嚟，再厚顏留言「警察一向都不希望使用武力，包括催淚彈。只要香港天下太平，無暴徒無暴力，警察就毋須使用任何武力」，然後仲話「向暴力說不，讓催淚彈永遠貼在牆上」。
其實只要香港天下太平，可以毋須任何警察，而如果Popo唔用啲催淚彈，係咪都應該留喺槍房而唔係貼去牆度？仲未計市民執番催淚彈殼畀警察就會被指犯法，但警察部門就可以拎啲彈殼嚟惡搞。不過，雖然Popo低級當有趣，但八方決定要為佢哋平反一次，因為呢個文宣總算清楚表達一個訊息，就係要將警暴永遠貼在牆上。