【本報訊】各區昨午繼續有人自發舉行「和你lunch」快閃集會。其中觀塘發起「和你寫聖誕卡」行動，寫聖誕卡寄予反送中運動的抗爭手足，在短短一小時內成功收集到逾300張聖誕卡。
銅鑼灣百人快閃
這項活動發起人之一的楊小姐昨指出，坊間不少團體收集聖誕卡寄給還柙的被捕人士，但其他手足堅持抗爭半年同樣需要大家關心及支持，呼籲市民除了寫給還柙手足，亦向一同抗爭的市民送上心意。打工仔黃先生特意到場寫聖誕卡，「本來呢個聖誕一啲都唔快樂，都冇心情寫。但希望為手足帶來一啲安慰同心意，講畀佢哋知，我哋冇放棄、冇停落嚟」。他希望民主派區議員可制衡政府，迫使政府盡快回應五大訴求，「佢哋講一句點都好過我哋講十句」。
另外，銅鑼灣中午有數十人「和你lunch」快閃集會，先後在時代廣場、崇光百貨及維園工展會場外高叫口號及歌唱《願榮光歸香港》，高峯期一度有近百人，工展會外有十多名軍裝警員在場戒備，眾人快閃抗議後和平離去。
首次出席「和你lunch」的陳先生指，昨午專程去銅鑼灣參加快閃活動，坦言有幾多集會都要盡力出席，笑指：「飯都一日食幾次啦！呢啲係長期抗爭，可以嘅話就參加，增加我哋嘅士氣，唔可以靠一次、兩次（活動）就可以令政府屈服。」前中央政策組顧問劉細良亦趁午飯時間出席，他指近日氣氛緩和，或令出席人數減少，但不代表人心改變，因為經歷半年社運市民立場已趨穩固。
■記者凌懿君、袁楚雙
