早前傳出美國通過人權法，有親共富豪被美國拒入境，消息來源指向田北辰，他指「離晒大譜」，「當時我接受傳媒訪問，只係話美國隨時可以唔畀你入境，搞你兩個鐘、四個鐘，凍結資產，有冇人權法都可以」。田北辰亦不知何以有此誤會。
田北辰指自己過去針對港人疑慮，提出「港人港審」方案，也支持撤回《逃犯條例》修訂、要求成立獨立調查委員會、重啟政改，亦很清楚市民的怒火早已轉到警暴問題上。至於撤回暴動定性、釋放被捕人士，田認為沒有法理基礎，不能盲目支持。
「區選後中央醒覺」
田北辰不是單純的商界，亦背着人大代表的身份，「人大其實好重要，我寫嘢上去，佢有書面回覆畀我，好多時間真係會做嘢，其他人石沉大海唔知去咗邊」。他指自己最近亦有去信國務院副總理韓正，「政治嘢好少覆，但佢會睇咗個內容自己研究」。
不過，田北辰認為今次有太多人給予中央錯誤訊息，「有36個人大、建制派、林鄭、中聯辦睇法，但我相信區選後，中央肯定醒覺。中間路線，一定要持續，如果唔走樣，命中率高，肯定有人會聽我講」。
想connect泛民選民，但田北辰最後卻力斥泛民，並着記者必定要寫出來，「我8月上深圳，當時張曉明話五大訴求冇得傾，反而獨立調查，佢話如果做，都唔係現在做。害到香港今日咁，因為泛民去美國求救，搞人權法」。若不找外國勢力，他估計中央早已讓步。然而若今日沒有外國勢力，中央會讓步，還是進一步將香港改做成另一個新疆？