五人女子組合Super Girls的Aka（趙慧珊）及Heidi（李靜儀），前者是鄰家女孩，後者是高傲型女，但私下卻異常投契老友。Aka和Heidi現在不同範疇各自努力，面對不同困難及壓力，閒時相約見面放鬆一下。
訪問中Aka和Heidi互談最討厭、最欣賞對方的地方，Aka說：「最唔鍾意佢成日病，逢女士周期就唔舒服，有次同佢跳完舞諗住食嘢，點知佢暈咗喺街。」最欣賞Heidi的是性格直接坦白，不愛講是非，Heidi則欣賞Aka努力不懈。各成員近年單飛發展，Aka現單飛唱歌，今年有三首新歌推出：「梗有壓力，唱live又擔心，以前組合唱兩句可以休息，又擔心啲排行榜同點擊成績。」Heidi聞言即謂：「所以我會約佢去揼骨放鬆吓。」Aka指跟Heidi同樣愛按摩、零食和米線，喜好出奇地夾。
出Tee傳內心
Heidi主力做時尚達人，推出概念tee：「主題係『be true youself』，喺呢行好多人未必可以真正表達自己，之前試過為討好人；想埋堆就做啲唔鍾意嘅嘢，搞到好唔開心，所以想鼓勵大家聽自己真正內心。」Heidi還主唱廣告歌，但她自認沒信心，故明白Aka單拖出歌的壓力。Aka也不時向Heidi請教打扮，Heidi不避嫌彈她品味：「以前佢打扮最出事係上下item唔夾，不時上重下輕或者係兩件衫質地完全唔同。」
踩娛圈男人
早前Jessica出嫁，觸動兩位單身美女，談到擇偶條件，28歲Heidi要專一有愛心，還只鍾情身高180cm以上男生。32歲Aka依然鍾情乖巧戇直男士，兼要有正義感和良知，最理想有少少「肉地」給她安全感。Aka跟Heidi分別跟吳業坤及唱片監製拍拖，但分手收場，現兩人皆抗拒跟圈中人相戀，Heidi解釋：「呢行太多誘惑，同埋啲男仔唔夠踏實，成日唔想定落嚟咁，又花心。」Aka謂：「我自己已唔穩定，加埋對方都係咪好唔穩定，呢行冇咩人係down to earth。」雖未有男朋友，但二人不約而同希望38歲前結婚生仔，跟另一半組織小家庭。
撰文：寶妮
攝影：沈健程
場地提供：Rerere1001日式串燒