美籍銀行家在銅鑼灣黨鐵站遇到突襲跳閘市民的疑似休班警，問對方show me, are you popo ?對方答no。銀行家其後被捕，控以襲警。popo與pepe，抗爭運動的主角同屬p字頭，一奸一忠，黑白分明。警察唔認popo，擺明割席，當然啦，海底撈食得太多，中風冇命陪，爆OT都買唔到何已完的山墳。叫阿蛇show乜好呢？show出委任證，全部忠誠跟大佬，PK字頭，只有江蛇例外，er歸佢獨享。
襲警有價，銀行家以一千元保釋，法官質疑銀碼太低。最終辯方提價十倍至一萬獲法官接納。法庭拜金，唔係新鮮事。一個銀行家，保釋金十倍起跳，貴為律政司，向中共這位官老爺申請「保釋」，或者「保外就醫」，價碼係幾多呢？中環清算師有排計！司長天真以為，只要一聲唔do，就能no show跳船。中共唔使開庭，直接下令，從倫敦「押解」當事人直送首都，會面時擺好了老虎凳，請司長隨便坐，萬事有商量。骨折有得醫，心寒冇得救。司長被召回港後show出騰雞模樣，是蒙面popo有風駛盡𢃇無惡不作的悲慘預告。伸縮警棍可以帶上飛機，帶埋入冊都得。黑警狂言倉底見，祝心想事成，做硬PK721替死鬼。