麥長青（麥包）昨日應邀到鰂魚涌出席講座，分享從商秘訣，他曾經在商場開舖賣精品、又進軍飲食業、也有不少與友人合資的業務，認為迎合市場最緊要，麥包說：「我之前賣精品，見到一啲自己好鍾意嘅嘢就據為己有，變咗做唔到生意，首先唔好同你嘅貨品物品談戀愛先。」
從商過程中，麥包由始至終抱一種心態：「輸錢唔好輸朋友心，試過明明有糧出對方食咗我份，我都冇出聲，唔希望不歡而散，更唔想因為金錢去傷害別人傷害自己，我比較阿Q精神，又未至於冇飯開。」現時麥包在澳門有份投資一間冰室，他笑言：「其實一直想靠演員搵食，奈何唔係太好，所以就試多啲唔同投資，我唔介意捱，睇番覺得自己少年輕狂都係啱嘅。」
採訪、攝影：卓寶花