【與民為敵】
【本報訊】反送中惡法一役特首林鄭月娥無視民意，近日她再選擇跟民意作對，有親政府傳媒昨報道，林鄭跟工聯會落選區議員會面時承諾提供公職，林鄭昨未有否認說法，更指建制派敗選與政府直接有關，明言不會跟建制派割席。民主派及政治學者批評，林鄭向選民摒棄的建制派授予公職，公然否定選民意願，「政府冇可能養得起咁多人，咪搵公職頂，但明眼人都知呢啲公職冇意義」，直斥令公職由政治酬庸淪落為向建制派賠償的政治安慰獎。
記者：陳珏明 林俊謙
政府昨日公佈，林鄭月娥將於14日至17日到北京述職，向領導人匯報香港經濟、社會和政治最新情況，據知她回港後將在禮賓府會見所有將退休、落選的區議員。《星島日報》昨日有專欄指，工聯會十多名落選區議員已與特首會面，其間林鄭除向對方致歉外，更承諾提供公職，包括撲滅罪行委員會及扶貧委員會等。
稱改組班子非當前急務
林鄭昨出席行會前見記者沒正面回應事件，卻指與政黨合作，「唔會因為冇咗一個身份，而同佢哋好似係陌路人咁」，並指他們的意見是地區問題和政策意見，會聆聽及於適當時候跟進，強調非遷就某一政黨看法。至於建制派在區選大敗，她稱無可否認與政府有直接關係，同時暗批選民投票非因候選人地區工作。
另外，本報昨日報道政圈盛傳林鄭述職時會提及政府改組，四名高官會被撤換，林鄭則指過去數月一直有關於政府問責班子和行政會議改組的猜測和謠言，強調目前首要優先工作是回復香港法治和秩序，確保經濟和社會可繼續向前發展，形容政府改組並不是當前急務，希望外界停止不健康的猜測和謠言。
對於盛傳建制敗軍或獲任公職，民主派會議召集人、公民黨立法會議員陳淑莊炮轟林鄭繼續離地，「呢啲人就係因為民意而落台，證明佢（林鄭）同民意係脫節」，質疑就算是無薪酬的公職，除了考慮背景及專業等因素，本身就需要委任更多民主派，特別是年輕及女性的聲音加入，「但如果係講問責制，就更加係名存實亡，如果有人仲想將佢擴大，搵啲冇民意嘅人空降，公務員士氣肯定再受影響，更加係用公帑去養住班建制派」。
陳淑莊續指，當年劉江華落選後敗部復活加入政府，立下最壞先例，而區議員落敗屬平常事，「我自己都輸過啦！」她質疑區議員未必有足夠資格出任重要公職，不排除林鄭只是在跟建制派敗軍見面前提供一個政治安慰獎以修補雙方關係，「但佢唔使天真啦，建制派應該都係繼續會搵佢做出氣袋」。
學者：政府管治更快破產
理工大學應用社會科學系助理教授鍾劍華直斥林鄭暗批選民投票不看候選人地區工作的言論「好哽耳」，「我哋唔係冇睇，只係大家把尺唔同，唔代表佢可以咁否定選民嘅選擇；正正佢哋做得唔好先被踢走，但如果林鄭委任番用番佢哋，就係同民意對着幹，係想否認民意」。
鍾劍華形容，林鄭現時已失去所有政治能量，「根本係個walking dead」，正因毫無政治籌碼在手，「冇得派錢咪派公職囉」，惟他質疑現時已非70年代，公職吸引力不大，「最多咪畀人卡片印多兩行，明嘅就知冇意思，以前公職仲可以當政治酬庸，但家陣再淪落到變林鄭向建制派嘅贖罪券」，雖然對林鄭個人代價低，卻令政府僅有的政治工具都被破壞，最終只會令管治更快破產。